Semingsroyndin heldur fram fyrrapartin

Semingsroyndin í sáttmálatrætuni millum arbeiðarafeløgini og arbeiðsgevararnar verður tikin uppaftur á Hotel Hafnia klokkan 10 fyrrapartin.

Sáttmálin millum arbeiðarafeløgini og arbeiðsgevararnar er longdur til á midnátt í kvøld.

Semingsuppskot

Semingsstovnurin legði í gjárkvøldið eitt semingsuppskot fyri Kommunulæknafelagið og lønardeildina í Fíggjarmálaráðnum. 

Tey hava freist til middags at boða frá, hvørja støðu tey hava til semingsuppskotið.

Terje Sigurðsson, semingsmaður, sigur, at taka partarnir av semingsuppskotinum, verður skrivað undir nýggjan sáttmála, men verður tað vrakað, fer semingsstovnurin at vita, hvørjir møguleikar eru, ella um hann skal gevast við semingsroyndini.

Kastar semingsstovnurin frá sær, hava partarnir 48 tímar at boða frá verkfalli ella verkbanni.