Heilsuhjálparar samráðast enn

Heilsuhjálparar samráðast enn
Samráðingarnar millum Heilsuhjálparafelag Føroya og Kommunala Arbeiðsgevarafelagið halda fram í dag
 
01.06.2018 - 13:41

Talan er um 650 limir, fyri tað mesta kvinnur, sum arbeiða á eldraøkinum, og Mary Antonsdóttir, forkvinna í Heilsuhjálparafelagnum, hevur áður lagt dent á, at talan er um láglønt kvinnustørv, sum skulu hava lønarlyft.

Mánaðarlønin hjá einum útbúnum heilsuhjálpara er góðar 23.000 krónur um mánaðin á hægsta stigi umframt viðbøtur, og tað er ikki nóg mikið, hevur forkvinnan sagt.

Hinumegin samráðingarborðið situr Kommunala Arbeiðsgevarafelagið, sum eisini skal taka atlit at, at tørvurin á eldraøkinum veksur støðugt, sohvørt sum miðalaldurin í Føroyum økist. 

Tað merkir, at kostnaðurin fyri eldraøkið veksur alsamt, og tað sama ger tørvurin á hjálpar- og røktarfólki á eldraøkinum.

Er lønin ov lág, er ilt at fáa mongu størvini sett, men er lønin hinvegin ikki lág, ja, so vaksa útreiðslurnar nógv.

Samráðingar um nýggjan sáttmála millum Heilsuhjálparafelag Føroya og Kommunala Arbeiðsgevarafelagið hava vart í nógvar mánaðir. Í verandi sáttmála stendur, at boðast skal frá verkfalli 48 tímar frammanundan, og annars stendur einki um undantøk, um talan verður um verkfall. 

Heilsuhjálparafelagið hevur í seinastuni skrásett lønarupplýsingar hjá limunum, sum skulu brúkast, um so er, at verkfall verður, og limirnir skulu hava útgjald úr verkfallskassanum.

Tá hesar samráðingarnar eru av, stendur Heilsurøktarafelag Føroya fyri tørni. Her er eisini talan í nógv størsta mun um kvinnustørv, eini 350 í tali. 

Er kopiera
Nýggjastu sendingar í ÚV
Mikudag 25. februar
Skratsj 25. februar 2026
204806
Mikudag 25. februar
Eitt korter við klassiskum
204805
Mikudag 25. februar
Lesið reglurnar væl
204795
Mikudag 25. februar
Morgunlestur mikudagur 25.februar 2026
204597
Nýggjastu sendingar í SV
Mikudag 25. februar
Dagur og vika - teknmálstulkað
204788
Týsdag 24. februar
Veðrið
204758
Týsdag 24. februar
Dagur og vika við 3-2 - teknmálstulkað
204737
Týsdag 24. februar
Stjørnan í fjóðra parti
204729
Mánadag 23. februar
Veðrið
204693