- Tíðindi, mentan og ítróttur
Fíggjarnevndin viðger eykajáttanina til LS
Fíggjarnevndin viðger eykajáttanina til LS
Klokkan hálvgum tíggju fór fíggjarnevndin á fund, har hon skal viðgera fíggjarnevndarskjalið um at lata Landssjúkrahúsinum 10 milliónir í eykajáttan
15.06.2018 - 10:19
Landssjúkrahúsið hevur tørv á 21 milliónum fyri at fáa játtanina at hanga saman, men nakað av peninginum er funnin við sparingum, og tí er tørvur á 10 milliónum í eykajáttan.
Tað eru serliga læknakonsulentar, ið tyngja játtanina hjá Landssjúkrahúsinum. Landssjúkrahúsið hevur brúkt 10 milliónir til konsulentar.
Fýra milliónir eru hægri lønarútreiðslur, tí nýggir sáttmálar eru gjørdir. Og serviðgerðir uttanlands kosta 7 milliónir krónur.
Nevndin skal eisini viðgera umbøn um 300.000 í eykajáttan til semingsstovnin. Peningurin skal brúkast til advokathjálp, Fasta Gerðarrættin og annað, nú so nógvar samráðingar hava verið í ár.
Fíggjarnevndarfundurin byrjaði klokkan 09.30.
Er kopiera
Nýggjastu sendingar í ÚV
Nýggjastu sendingar í SV
