Fleiri pláss til børnini í Havn

168 barnaansingarpláss skulu gerast í Havn fyri 13,5 mió. kr.

Uppskot um hetta skal viðgerast á býráðsfundinum mikukvøldið.

Í løtuni verður gamli Realskúlin gjørdur til dagstovn við 60 plássum. 

Harafturat verður Brúni Skúli við Fríðriks Petersens gøtu umbygdur til dagstovn við 64 plássum, tvær vøggustovur og tvær barnagarðsstovur.

Og tríggir dagstovnar skulu umbyggjast og útbyggjast, so har koma 44 pláss afturat, tvær vøggustovur og ein barnagarðsstovu.