Tvingar migrantar úr aftur landinum

Ein 24 ára gamal maður, sum nevnir seg Carlos, sigur, at hann fríggjadagin skrivaði undir skjal um sjálvbodna tvingsilsflyting afturfyri, at hann fekk seks ára gomlu dóttir sína aftur. 

Tað skrivar The Texas Tribune, sambært NRK.

Hann sigur við blaðið, at eini 20-25 onnur, sum eisini sita í varðhaldi, skrivaðu undir tvingsilsflyting. 

Tíðindini bórust sama dag, sum Donald Trump, forseti, skrivaði á Twitter, at hann vil valdsflyta migrantar, sum koma um markið úr Meksiko til USA ólógliga uttan nakra rættarviðgerð fyrst.

- Vit kunnu ikki lova øllum hesum fólkunum inn í okkara land. Tá tey koma, mugu vit beinanvegin - uttan dómara ella rættarviðgerð, senda tey aftur, hagani tey komu, skrivaði Trump á Twitter sunnudagin. 

We cannot allow all of these people to invade our Country. When somebody comes in, we must immediately, with no Judges or Court Cases, bring them back from where they came. Our system is a mockery to good immigration policy and Law and Order. Most children come without parents...

— Donald J. Trump (@realDonaldTrump) June 24, 2018

Hann legði afturat, at heimurin flennir at amerikanska tilflytarapolitikkinum, og at fólk mugu prógva sítt virði fyri at sleppa til landið. 

- Vit hava brúk fyri fólki, sum gera America Great Again, skrivar forsetin.

....Our Immigration policy, laughed at all over the world, is very unfair to all of those people who have gone through the system legally and are waiting on line for years! Immigration must be based on merit - we need people who will help to Make America Great Again!

— Donald J. Trump (@realDonaldTrump) June 24, 2018

Mikudagin broytti Trump avgerðina um at taka børnini frá ólógligum tilflytarum, sum vórðu sendir í varðhald. Nú vil hann sameina foreldur og børn, skrivar NRK.

Amerikonsku myndugleikarnir hava sagt, at 2.342 børn eru tikin frá 2.206 foreldrum í tíðarskeiðnum frá 5. mai til 9. juni í ár. 

Myndugleikarnir hava framvegis 2.053 børn, sum eru tvangsflutt frá foreldrum sínum. 

Amerikansk lóg loyvir ikki børnum at sita í varðhaldi.