Hvørki fleiri upplýsingar ella viðmerkingar

Hvørki fleiri upplýsingar ella viðmerkingar
Danski herurin var ikki partur av venjingunum hjá Nato-skipum norðan fyri Føroyar, og hevur tí hvørki fleiri upplýsingar ella viðmerkingar.
 
01.07.2018 - 14:38

Fleiri føroysk fiskiskip sum royndu á Íslandsrygginum, norður ímóti íslendska markinum, vóru í gjár órógvað av fleiri herskipum, sum høvdu venjingar á leiðini. 

Skipini fingu boð um at halda seg í minsta lagi 5 fjórðingar frá herskipunum, tí skotið varð við skørpum.

Í gjár vistu hvørki Vørn ella Arktisk Kommando nakað um venjingina, og høvdu ikki fingið boð um hana.  

Michael Hjort frá Arktisk kommando hevur í dag kanna málið, men svarið frá danska herinum er stutt:

"Forsvaret er ikki involveret i de pågældende aktiviteter, og er derfor ikki vidende om nærmere detaljer. Vi har på den baggrund ikki yderligere oplysninger", eru boðini frá danska herinum, sigur Michael Hjort frá Arktisk kommando.

Hann leggur aftrat, at tá talan er um hernaðarvenjingar hjá Nato, er tað avmarkað, hvat kann upplýsast. 

Danski herurin var also ikki partur av venjingunum, og hevur tí hvørki fleiri um upplýsingar ella viðmerkingar til venjingarnar. 

Greitt er tó, at talan var um hernaðarskip hjá fleiri Nato-londum, og at herskipini høvdu venjingar í altjóða sjógvi ímillum Ísland og Føroyar, váttar Michael Hjort. Tá talan er um verju, so verður altjóða sjógvur mettur at vera sjógvurin uttan fyri 12 fjórðingar úr landi.
 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592