Føroyar kostaðu Danmark yvir eina milliard í fjør

Tað vísa tøl í ársfrágreiðingini hjá Ríkisumboðnum. Blokkurin er 641,8 milliónir krónur.

Hitt eru pengar til ymsar veitingar úr Danmark, millum annað eftirlønir til lærarar og aðrar eftirlønir og krígspensjón.

Tilsamans er talan um 88,6 milliónir aftur at heildarveitingini.

Síðani eru 314 milliónir krónur til at reka statsstovnar í Føroyum.

Tað mesta fór til verjuna, 176,6 milliónir, og til poltitiið, Kriminalforsorgina og varðhaldið fóru slakar 104 milliónir í fjør.