Mánamyrking fríggjakvøldið

Fríggjakvøldið verður mánamyrking millum kl. 22.19 og kl. 23.19, tá mánin verður í skugganum av jørðini.

Tá mánin, allur sum hann er, verður í skugganum av jørðini, er hann reyður og verður tá kallaður blóðmáni. Hetta verður eisini kallað full mánamyrking.

Sambært donsku veðurstovuni er ivasamt, um mánin sæst í Føroyum fríggjakvøldið. Tí tá verður skýggjað og ælaveður.