Teistin fer at sigla aftur í morgin

Teistin rendi á land í Skopun í gjár - eitt lítið hol kom á, og eitt sindur lak inn. Men hann verður væntandi klárur í kvøld, og fer at sigla aftur í morgin, sigur Hilmar Eliasen, stjóri í Strandferðsluni.

Á heimasíðuni hjá Strandferðsluni stendur, at Sam fer at røkja siglingina hjá Teistanum í dag. Sildberin fer síðani at røkja leiðina til Kalsoyar, ímeðan Súlan fer at røkja leiðina til Skúvoyar. Men hetta verður ivaleyst bara til í morgin, tá Teistin væntandi fer at røkja Skopunar- og Hestleiðina aftur.