Enn ein jarðskálvti rakt Lombok

Tað siga tilbúgvingarmyndugleikarnir í dag sambært tíðindastovuni AFP.

Minst 91 fólk eru deyð og meiri enn 200 fólk eru særd av jarðskjálvtanum, sum varð máldur til 7.0 stig á richterstiganum.

Og hetta eru fyribilstøl, tilbúgvingarmyndugleikkarnir rokna við, at talið fer at vaksa, tí bjargingarfólk enn ikki eru komin til øll øki, sum eru rakt.

Hetta er annar jarðskjálvtin, sum rakar Lombok innan fyri eina viku. Farna sunnudag var ein jarðskjálvti máldur til 6,4 á rictherstiganum. Tá doyðu 17 fólk og omanfyri 1000 hús vórðu oyðilagd ella fóru sera illa.