Freist at bjóða upp á Spógvan

Freistin er til 15. august á middegi.

Spógvin varð lýstur til sølu 19.juli. Vørn brúkar ikki Spógvan, og tí er hann nú til sølu.

Spógvin varð bygdur í Danmark til Vaktar- og bjargingartænastuna í 1986.

Spógvin er glastrevjabátur, og hann er góðar níggju metrar langur.

Hann hevur millum annað bjargingarbát til seks fólk og aðra útgerð til bjarging. 

Spógvin verður seldur í tí standi, hann er í, og sum hann liggur við eina bátabrúgv í Havn. 

Hóast Spógvin ikki er brúktur í nógv ár, er hann hildin viðlíka øll árini, og hann hevur siglingarloyvi. 

Um nøktandi boð ikki fæst, tilskilar Vørn sær rætt til ikki at taka av nøkrum boði.