Varskógvaraskipan fyri alment sett fyri tingið

16.08.2018 - 08:14
AktueltSamfelag
Varskógvaraskipan fyri alment sett fyri tingið
Á næsta tingfundi, sum verður týsdagin, fer landsstýrið at leggja fram uppskot um varskógvaraskipan hjá starvsfólki, sum arbeiða hjá tí almenna.
Landsgrannskoðanin skal umsita varskógvaraskipanina.
 

Uppskotið var til hoyringar í mars og apríl. 

Kristina Háfoss, landsstýriskvinna í fíggjarmálum, segði tá í viðmerkingunum um uppskotið, at hóast Fíggjarmálaráðið yvirskipað varðar av skipanini, eru tað bara Landsgrannskoðanin og starvsfólk har, sum hava atgongd til upplýsingar, sum verða fráboðaðar um varskógvaraskipanina.

Ætlanin er, at Landsgrannskoðanin tí skal umsita varskógvaraskipanina.  

Mál, sum boðað verður frá í øðrum londum, eru yvirhøvur um fíggjarlig viðurskifti, og serliga tí verður mett, at Landsgrannskoðanin eigur at umsita skipanina.

Landsgrannskoðanin er eisini uttan fyri landsfyrisitingina, og tað verður mett sum eina eyka trygd hjá starvsfólkunum.

Í øðrum londum umsitur ríkisgrannskoðanin varskógvaraskipanir.

Landsgrannskoðanin skal í fyrstu atløgu meta um fráboðanina og gera av, um talan er um viðurskifti, sum eru fevnd av varskógvaraskipanini.

Kemur Landsgrannskoðanin til ta niðurstøðu, at talan er um viðurskifti, sum eiga at verða kannað, verður aðalstjórin, sum varðar av økinum, kunnaður um málið. Aðalstjórin skal síðani seta eina kanning í verk.

Tá málið er kannað, letur aðalstjórin Landsgrannskoðanini frágreiðing um málið. 

Landsgrannskoðanin skal eisini kunna løgmansstjóran og aðalstjóran í Fíggjarmálaráðnum og koma við tilmælum um, hvussu viðurskiftini verða fingin í rætt lag.

Hetta uppskotið um varskógvaraskipan er ikki fyrsta slíka skipan í Føroyum. 

Føroysku peningastovnunum er álagt at hava eina varskógvaraskipan, har starvsfólk dulnevnt ella navngivið kann boða frá óreglusemi.

Tað er lógarkrav, at bankarnir hava eina innanhýsis varskógvaraskipan, og at starvsfólk kunnu venda sær gjøgnum varskógvaraskipana til Fíggjareftirlitið.

Varskógvaraskipanin, sum nú er á veg í løgtingið, verður galdandi fyri landsfyrisitingina og stovnar undir landinum.

Er kopiera
Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750