Formansskapurin ósamdur um døgurða á kongsskipinum

21.08.2018 - 08:33
AktueltPolitikkur
Formansskapurin ósamdur um døgurða á kongsskipinum
Formansskapurin í Løgtinginum er ikki á einum máli, um løgtingsformaðurin eigur at fara umborð á Dannebrog at eta døgurða.
 

Løgtingsformaðurin Páll á Reynatúgvu fer ikki umborð á kongsskipið Dannebrog, har krúnprinsurin og krúnprinsessan hava boðið tingmonnum og embætisfólki til døgurða leygarkvøldið.

Orsøkin er, at tað gongur hansara tjóðskaparligu sannføring ov nær, tá danska kongshúsið bjóðar seg fram sum vert í Føroyum.

- Eg eri ein føroyskur lýðveldismaður, og sum fólkavaldur er ein av allar størstu uppgávum at vera trúgvur ímóti tínari sannføring, uttan mun til hvat trýst tú verður settur undir, ella hvørjar freistingarnar kunnu vera, grundgevur Páll á Reynatúgvu, sum also ikki fer til døgurðan, sum krúnprinsurin og krúnprinsessan skipa fyri í Føroyum.

Tað er ein skeiv avgerð, heldur Edmund Joensen, sum er fyrrverandi tingformaður og situr í formansskapinum nú.

Hann skrivar í tíðindabrævi, at løgtingsformaðurin hevur hægstu tign, og hann hevur skyldu at umboða Løgtingið í einum og øllum.

Tað hoyrir ongastaðni heima, at Páll av Reynatúgvu noktar at umboða Løgtingið, tí hann av síni egnu politisku hugsan hevur okkurt ímóti kongshúsinum, heldur Edmund Joensen.

- Hetta tykist at vera nakað, sum als ikki hevur nakra rímiligheit yvir fyri Løgtinginum, tí formaðurin hevur skyldu at umboða Løgtingið hvørja ferð, skrivar Edmund Joensen, sum er tingmaður fyri Sambandsflokkin og partur av formansskapinum hjá Løgtinginum.

Er kopiera
Nýggjastu sendingar í ÚV
Hósdag 7. juli
Summarmorgun 070722
141932
Hósdag 7. juli
Morgunlestur hósdagur 7. juli 2022
141655
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Nýggjastu sendingar í SV
Mikudag 6. juli
Úr savninum: Urtagarðurin (1:8)
141924
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574