Løntakaratalið heldur fram at seta met

Í juni vóru 27.066 løntakarar í Føroyum, 14.064 menn og 13.002 kvinnur.

Løntakaratalið er vaksið síðani 2013 og setir framvegis nýggj met.

Í juni var fyrstu ferð, at løntakarar í bólkinum byggivinna og onnur tilvirking vóru fleiri enn løntakarar í bólkinum, sum eitur fiskivinna og onnur ráevnisvinna.

Fiskivinna og onnur ráevnisvinna umfatar landbúnað, fiskiskap, ali- og kryvjivirki, ráevnisvinnu og fiskavøruídnað. 

Byggivinna og onnur tilvirking umfatar skipasmiðjur, smiðjur, annan ídnað, bygging og orku- og vatnveiting

Ein løntakari er millum 16 og 74 ár og fær A-inntøku og býr í Føroyum í tíðarskeiðinum, tá lønin verður útgoldin. 

Løntakarar eru tey, sum í einum mánaði fáa løn, sum í minsta lagi er ájavnt einari dagløn hjá ófaklærdum arbeiðsfólki.