Kielsen fríggjar til Demokratarnar

Nú IA ikki longur vil samráðast um nýggja samgongu í Grønlandi, noyðist Kim Kielsen, landsstýrisformaður at seta sítt álit á, at hin stóri andstøðuflokkurin, Demokratarnir, vil samstarva.

KNR skrivar, at Kim Kielsen hevur góðar vónir um at fáa meirluta aftur saman við Demokratunum.

Samgongutingingar vóru millum Siumut og Demokratarnar fríggjadagin, og Niels Thomsen, floksformaður hevur váttað, at fundur verður aftur millum flokkarnar í morgin.

Spurdur, hvat hann fer at gera, um tað ikki eydnast at gera semju við Demokratarnar, sigur Kim Kielsen, at hann hevur vón um at koma á mál.

Grønlendska landstingið kemur saman aftur fríggjadagin í hesu vikuni.