Nýggja hotellið eitur Hilton Gardens Inn

Nýggja hotellið eitur Hilton Gardens Inn
Nýggja hotellið, sum Atlantic Airways fer at reka við Staravegin í Havn, verður partur av heimsumfatandi Hilton ketuni
Martin Restorff (í miðjuni) verður stjóri á nýggja hotellinum. Á myndini sæst f.v. Jóhanna á Bergi, Martin Restorff og Niels Mortensen
 
27.09.2018 - 17:57

Tað boðar Atlantic Airways frá í tíðindaskrivi til miðlarnar í dag.
 
Hilton Garden Inn Faroe Islands verður navnið á nýggja hotellinum, sum verður fýra stjørnað og stjóri verður Martin Restorff.

Hilton-ketan hevur 100 milliónir fólk í sínum kundanetverki, og kann draga kundar til Føroyar úr m.a. Asia og USA, har Hilton-ketan er serliga sterk, sigur Atlantic Airways í tíðindaskrivinum.

- Hilton-navnið gevur okkum atgongd til ein umfatandi og spennandi kundaskara, sum vit kunnu selja til alt árið, sigur Martin Restorff. Hilton Garden Inn er tann parturin av Hilton-ketuni, ið hóskar seg sera væl til ferðafólk, sum í stóran mun vilja hava virknar frítíðarferðir við náttúruupplivingum. Harumframt hóskar hotellið væl til vinnuferðavinnu økið. 

130 stór kømur verða á Hilton Garden Inn Faroe Islands

Umframt royndirnar frá hotell-virksemi í Føroyum bæði innan mat, vín og tænastur, hevur Martin Restorff eisini royndir uttanlands frá Radisson SAS Royal í Keypmannahavn. 

Seinastu 10 árini hevur Martin Restorff starvast í Eik Banka og Betri-samstakinum, har hann hevur havt leiðandi starv innan tænastuøkið.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584