Ferðavinnufelagið vil hoyrast

Ferðavinnufelagið hevur skrivað til Fíggjarnevndina og biðið um fund, tí felagið vil sleppa at siga sína hugsan um ætlanina hjá landsstýrinum at broyta lógina um meirvirðisgjald, so bilasølur skulu gjalda meirvirðisgjald fyri seldar bilar, sum upprunaliga eru skrásettir sum leigubilar.

Uppskotið fær álvarsligar avleiðingar fyri ferðavinnuna, sigur Ferðavinnufelagið.

Fíggjarmálaráðið sendi ikki lógaruppskotið til hoyringar, áðrenn tað varð latið løgtinginum.

Ferðavinnufelagið ætlar at greiða Fíggjarnevndini frá avleiðingunum og trupulleikunum, lógarbroytingin fær fyri ferðavinnuna.