Kommunulæknar og Samtak stuðla ljósmøðrunum

Nevndin í Kommunulæknafelag Føroya hevur sent yvirlýsing út, sum stuðlar verkfallinum hjá ljósmøðrunum, og tað merkir also, at kommunulæknar ikki skulu traðka til, har arbeiðið hjá ljósmøðrunum er rakt av verkfallinum.

Nú hava feløgini í Samtak eisini lagt afturat stuðlinum hjá Ljósmøðrunum. 

Samtak sigur í yvirlýsing í dag, at tey vísa sín treytaleysa stuðul til Ljósmøðrafelag Føroya í ósemjuni. Tey heita á limir sínar um ikki at taka upp verkfalsrakt arbeiðið og heita eisini á Fíggjarmálaráðið um at sessast aftur við samráðingarborðið við einum vilja at loysa málið.

Feløgini í Samtaki eru Føroya Arbeiðarafelag, Føroya Fiskimannafelag, Klaksvíkar Arbeiðskvinnufelag og Klaksvíkar Arbeiðsmannafelag.