Fiskidagarnir halda fram næsta ár

bannari
13.11.2018 - 07:21
AktueltPolitikkur
Fiskidagarnir halda fram næsta ár
Løgtingið fer í dag at viðgera tvey uppskot um kvotur og fiskidagar
 

Løgtingið fer í dag at viðgera tvey uppskot um fiskidagar og kvotur.

Samstundis er greitt, at fiskidagaskipanin heldur fram næsta ár.

Tað boðaði Høgni Hoydal, landsstýrismaður í fiskivinnumálum, frá í gjár.

Ein arbeiðsbólkur undir Fiskimálaráðnum hevur í longri tíð arbeitt við at gera umsitingarætlan fyri fiskiskapin undir Føroyum. 

Og sambært lógini um fyrisiting av sjófeingi skuldi farast til kvotur á nýggjárinum.

Men arbeiðið hevur drigið út, og tíðin røkkur ikki at gera broytingar nú.

Tí heldur fiskidagaskipanin fram eitt ár aftrat, sigur Høgni Hoydal.

17 undirskriftir

Tað er framvegis ógreitt, nær uppskotið um at leingja fiskidagaskipanina verður lagt fyri tingið, men landsstýrismaðurin í fiskivinnumálum sigur, at hann er sannførdur um, at hann fær neyðugu 17 undirskriftirnar fyri at leggja tað fram.

Og samgongan tekur undir við uppskotinum, sigur hann.

Annað uppskotið, sum fær fyrstu viðgerð í tinginum í dag, er frá teimum fýra andstøðuflokkunum, sum skjóta upp at taka kvotuskipanina av og at varðveita fiskidagaskipanina.

Fiskidagar skulu ásetast fyri trý ár í senn.

Hitt uppskotið er frá tingkvinnunum hjá Framsókn um at útseta kvotuskipanina til 1. januar í 2020.

Hanna Jensen og Ruth Vang tóku hetta uppskotið aftur, men Jørgen Niclasen í Fólkaflokkinum boðaði beinan vegin frá, at hann legði tað framaftur.

Tingfundurin í dag byrjar klokkan 10. 
 

 
Nýggjastu sendingar í ÚV
Týsdag 11. august
Tá makrelurin broytti Føroyar (2:6)
112157
Týsdag 11. august
Summartímin 11. august
112208
Týsdag 11. august
Góðan morgun Føroyar 11.08.2020
112186
Mánadag 10. august
Umhvørvið og eg - matoyðsl
111632
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807