- Tíðindi, mentan og ítróttur
Sigldi á land men varð bjargaður
Sigldi á land men varð bjargaður
Bæði maður og bátur vórðu bjargaðir í gjárkvøldið, tá ein bátur fór á land í Høvdasundi, sum er millum Sandoynna og Trøllhøvda
Brimil var skjótt á staðnum, tá ein bátur fór á land í gjárkvøldið.
27.11.2018 - 07:30
Vørn skrivar á heimasíðu sínari, at klokkan tíggju minuttir í hálvgum sjey í gjárkvøldið boðaði Sjóbjargingarstøðin MRCC frá, at ein bátur var farin á land.
Ein maður var í bátinum, og hann hevði bjargað sær upp á helluna.
20 minuttir eftir fráboðanina var arbeiðsbáturin hjá Brimli hjá manninum, og tað eydnaðist at fáa hann av helluni.
Væl fyri
Maðurin varð fingin umborð á Brimil. Hann var væl fyri, men hann var kaldur.
Báturin var ikki sokkin, men gliðin av aftur landi og rikin eystur um Høvdan.
Tað eydnaðist at fáa fatur á bátinum og fáa hann lens.
Báturin varð síðani sleipaður til Skopunar, har hann bleiv tikin upp á land.
Er kopiera
Nýggjastu sendingar í ÚV
Nýggjastu sendingar í SV
