Skot á jólamarknaði í Strasbourg

Skot á jólamarknaði í Strasbourg
Ein maður skeyt frá hond í einum jólamarknaði í miðbýnum í Strasbourg í gjárkvøldið. Løgreglan jagstrar framvegis gerningsmannin.
 
12.12.2018 - 09:29

Franska løgreglan jagstrar framvegis ein mann, sum skeyt frá hond í einum jólamarknaði í miðbýnum í Strasbourg í gjárkvøldið, og talan er um yvirgang, skriva altjóða tíðindastovur.

Í minsta lagi trý fólk eru deyð, og 12 eru særd.

Løgreglan sigur, at tað stendur um lív hjá seks fólkum.

Løgreglan hevur tvær ferðir í nátt verið í skotbardaga við mannin, sum verður hildin at vera gerningsmaðurin, men í báðum førum er hann sloppin til rýmingar.

Løgreglan hevur havt eyguni eftir manninum, sum er 29 ára gamal, og hann er á listanum yvir víðgongdar persónar.

Alt økið kring jólamarknaðin varð byrgt av, og fólk vórðu biðin um at halda seg innandura, men í morgun er útgonguforboðið sett úr gildi.

Edouard Philippe, forsætisráðharri, hevur mannað eitt kreppuráð við umboðum fyri ymsu ráðharrastovurnar, og Macron, forseti, verður eisini javnan kunnaður um støðuna. 

Evropatingið hevði fund í Strasbourg í gjár, men eftir atsóknina at jólamarknaðinum varð fundurin slitin, og tingfólkini vórðu biðin um at ikki at fara úr bygninginum.

Jólamarknaðurin í Strasbourg er ein tann størsti av sínum slag yvirhøvur, og umleið tvær milliónir fólk vitja marknaðin í jólamánaðinum.  

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (3:3)
172858