Heimsins lond samd um umhvørvisavtalu

Heimsins lond samd um umhvørvisavtalu
Eftir tvær vikur við tingingum er tað loksins eydnast teimum útivið 200 luttakandi londunum at koma til eina semju á veðurlagsráðstevnuni COP24
Í Póllandi - á mest umráðandi veðurlagsráðsstevnuni síðan Parisavtalan varð gjørd í 2015 - eru 196 lond blivin samd um reglurnar, ið skulu tryggja, at lyftini í 2015-avtaluni kunnu verða sett í verk
Mynd: AP  
 
16.12.2018 - 09:40

Eftir tvær vikur við tingingum í pólska býnum Katowice er tað loksins eydnast teimum útivið 200 luttakandi londunum at koma til eina semju á veðurlagsráðstevnuni COP24 hjá Sameindum tjóðum.

Í Póllandi - á mest umráðandi veðurlagsráðsstevnuni síðan Parisavtalan varð gjørd í 2015 - eru 196 lond blivin samd um reglurnar, ið skulu tryggja, at lyftini í 2015-avtaluni kunnu verða sett í verk.

Trupult at fáa undirtøku millum øll londini

- Hetta er nakað, allur heimurin hevur bíðað eftir, sigur pólski samráðingarleiðarin á veðurlagsráðstevnuni, Michael Kurtyka, sambært tíðindastovuni Ritzau.

Regluverkið í Parisavtaluni er eitt sera tekniskt, men eisini týðandi skjal. Til dømis verður gjørt greitt, hvørji klimamál londini skulu hava, og hvussu tryggjast skal, at ásettu umhvørvismálini verða hildin.

Samráðingarnar hesar tvær vikurnar hava millum annað snúð seg um, í hvussu stóran mun tann nýggjasta frágreiðingin frá Klimapanelinum hjá ST, ið kom út í oktober, skuldi takast til eftirtektar.

SÍ EISINI Paris-avtalan hongur í klønum tráð

Í teirri frágreiðingini stendur, at tað er gjørligt at avmarka hækkingina í hitanum í heiminum til millum 1,5 og 2 stig í ár 2100, men at tað krevur skjótar, øktar og umfatandi broytingar nógvastaðni í samfelagnum.

Tað hevur tó verið trupult at fáa undirtøku millum øll tey 196 limalondini á veðurlagsráðstevnuni fyri niðurstøðunum í frágreiðingini hjá Klimapanelinum, ið kom út í oktober mánað.

Ein annar trupulleiki, sum hevur verið umrøddur á veðurlagsráðstevnuni, ið trupult eisini hevur verið semjast um, er, hvar og hvussu útlátið av koltvísúrni kann minkast, og hvussu minkingin skal gerast upp og boðast frá.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585