Real Madrid heimsmeistarar

Spanska stórfelagið Real Madrid er heimsmeistari fyri fótbóltsfeløg.

Tað var greitt eftir 4-1 sigur á Al-Ain, sum er lið úr arabisku emiratunum í gjárkvøldið.

Hetta er fjórðu ferð, at Real Madrid vinnur kappingina Club World Cup, og tað er met.

Real Madrid vann í mai mánaða árligu Champions League kappingina fyri evropeisk feløg, og tann sigurin gevur eisini atgongumerkið til heimsmeistarakappingina fyri feløg.

Kappingin byrjaði í ár 2000, og fyrstu trý árini vunnu brasiliansku meistararnir kappingina.

Men síðani tá er vinnarin í evropeisku Champions League kappingini næstan hvørja ferð farin við steypinum.