Posta kann nú seljast

Lógin um at einskilja Postverk Føroya er nú lýst, og sostatt ber nú til hjá landsstýrismanninum í Vinnumálum at selja Postverk Føroya, tí lógin kemur í gildi í dag.

Sambært lógini, so fær landsstýrismaðurin heimild til at selja partapeningin í P/F Postverki Føroya.

Men við søluni verður treytin, at P/F Postverk Føroya framhaldandi umsitur einkarætt landsins og skyldu landsins til postflutning sambært løgtingslóg um postvirksemi í minsta lagi í eitt 10 ára tíðarskeið galdandi frá yvirtøkudegnum. 

Tað var 21. desember, at løgtingið samtykti at heimilað landsstýrismanninum at selja Postverk Føroya.