Leita eftir ferðafólki í Fugloy

Leita eftir ferðafólki í Fugloy
Eitt ferðafólk, sum fór út í Fugloynna í gjár, er saknað
Hattarvík, Fugloy
 
12.01.2019 - 10:27

Eitt ferðafólk, sum fór út í Fugloynna í gjár, er saknað.

Maðurin kom út við tyrlu um middagstíð og skuldi inn aftur við Rituni seinnapartin.

Hann tosaði hálvbrotið enskt og segði, at hann ætlaði sær ein túr í fjøllini. Maðurin hevði ein ryggsekk, men var annars ikki serliga væl ílatin, sigur vakthavandi á løgreglustøðini í Havn í morgun.

Veðrið var einki serligt og tí legði Ritan ikki at í Kirkju sum vanligt, men fór til Hattarvíkar í staðin - men eingin ferðamaður var at síggja, hvørki í Hattarvík ella Kirkju.

Tað fekk fólk at stúra og løgreglan fekk boð - men tá var longu so myrkt og keðiligt veður, at tað var ikki ráðiligt at fara at leita. Tó so hevur Brymil lýst og siglt um oynna í nátt, uttan at hava sæð nakað.

Í morgun er løgreglan so farin út í oynna og saman við staðkendum fólki og hundum verður farið at leita eftir ferðamanninum, sum altso ikki er sæddur síðani hann kom við tyrluni út til Fugloyar um døgurðatíð í gjár.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486