Eftirlýsa vitni til møguligt harðskapsmál

Tað var beint fyri klokkan fýra gjáramorgunin, at ein maður segði seg verða slignan í høvdið av einum øðrum manni. Maðurin, ið sigur seg hava verið fyri harðskapi, setti aftaná manninum, men fekk hann ikki aftur.

Løgreglan vil tí fegin frætta frá fólki, ið vóru vitni til møguliga harðskapsmálið í klubbagarðinum, sum fór fram klokkan tíggju minuttir í fýra sunnumorgunin.

Eitt annað harðskapsmál var eisini í Havn um vikuskiftið. Í tí málinum er maður fyribils varðhaldsfongslaður í tríggjar vikur, fyri at sláa ein annan við einum sonevndum knúgvajarni.