Nýggj samferðsluætlan gjørd

Samferðsluætlan 2018-2030 varð í gjár latin landsstýrismanninum í samferðslumálum, Heðini Mortensen.

Landsverk og onnur hava gjørt eina nýggja, dagførda samferðsluætlanin fyri Føroyar. 

Endamálið við slíkari ætlan er at vísa á, hvat skal til fyri at tryggja, at samferðslukervið til eina og hvørja tíð nøktar samtíðarinnar krøvum og tørvi.

Rakstur og viðlíkhald mugu raðfestast hægri politiskt og takast í størri álvara, og hava tí fingið eitt serligt pláss í nýggju samferðsluætlanini. 

Eisini verður nógv gjørt burtur úr ferðavinnuni, millum annað er brúk er fyri fleiri dvalarvikum fram við landsvegunum. 

Málið er eisini, at tíðin at koyra til høvuðsstaðin og úr høvuðsstaðnum ikki skal vera longri enn ein tími, sama hvar í landinum, fólk eru stødd. 

Hetta er triðja útgávan. Samferðsluætlanin kom fyrstu ferð í 2007 og onnur útgávan kom í 2012.