Fingu maskintrupulleikar á Norðhavinum

Tað var beint áðrenn klokkan hálvgum trý í nátt, at MRCC Tórshavn fekk boðini um útróðrarbátin, sum hevði fingið trupulleikar við maskinuni.

Líkindini á Norðhavinum vóru ring, so tað varð hildið at vera frægast at senda Brimil eftir útróðrarbátinum, og ikki ein av teimum smærru bjargingarbátunum.

Brimil var ikki so langt burtur, og kom á Klaksvík við bátinum klokkan átta í morgun. Tveir mans vóru við útróðrarbátinum, sum var úr Norðoyggjum, upplýsir MRCC Tórshavn.