Opið aftur í Russlandi

Bakkafrost kann nú aftur selja laks til Russlands.

Í fráboðan til keypsskálan í Oslo fríggjadagin, sigur Bakkafrost, at russisku matvørumyndugleikarnir hava strikað innflutningsbannið, sum kom í gildi í november í fjør.

Í fráboðan 16.november í fjør segði Bakkafrost, at russisku matvørumyndugleikarnir fóru at steðga innflutningi frá Bakkafrosti á Glyvrum um eina viku.

Orsøkin var, at bakteria varð funnin í einum sýni av fráskurði, sum varð innfluttur til Russlands.