Nógv fólk fáa pening aftur í skatti

18.392 fólk hava goldið ov nógvan skatt og fáa nú pening aftur. Tað sæst á heimasíðuni hjá TAKS.

Hinvegin vísa tølini, at uppgerðin passar hjá 19.715 borgarum, sum tískil hvørki skulu rinda írestandi skatt ella eiga avlopsskatt til góðar.

Tey, sum hava goldið ov lítið í skatti, eru 1.935 í tali, og hesi fáa í næstum rokning fyri írestandi skatt. Hann er til samans 5.454.212 krónur.

Eiga fólk minni enn 25 krónur til góðar, verða tær ikki útgoldnar. Skylda fólk minni enn 100 krónur, verða tær ikki innkravdar, skrivar TAKS á heimasíðuni.