Lea Kampmann fingið herðaklapp

Tónleikarin Lea Kampmann hevur fingið eitt stórt herðaklapp fyri sítt nýggja staklag "Sail", sum kom út í gjár.

Stroymingartænastan hjá Itunes, ið nevnist Apple Music, hevur viðmælt sangin á listan "Best of the Week" saman við 80 øðrum altjóða sangum, við eitt nú Vampire Weekend, Ariana Grande, Diplo og Jonas Brothers. 

Playlistin verður dagførdur hvørja viku við tí besta nýggja tónleikinum kring heimin.

Fyrr í vár fekk Lea Kampmann gávugóðs úr Grunni Thorvalds Poulsen av Steinum, ið verður latið fyri at stuðla og eggja gávuríkum ungum listafólkum at nema sær útbúgving.