93 prosent av Eysturoyartunlinum boraður

Á fundinum, sum var í gjár, varð greitt frá virkseminum hjá felagnum seinasta árið, og ársfrágreiðing varð løgd fram. Nevndin varð afturvald.

Í nevndini eru: Bergur Poulsen, formaður, Marita S. Hentze, næstforkvinna og Gudmund Mortensen og Uni Danielsen eru nevndarlimir.

Eysturoyartunnilin er nú komin so langt, at eftir ætlan verður sprongt ígjøgnum móti Rókini í mai og millum Eysturoynna og Streymoynna í juni.

Hetta merkir, at í dag er tilsamans 93 prosent av tunlinum boraður, síðani byrjað varð at bora í 2017. Koyrandi verður ígjøgnum Eysturoyartunnilin í desember 2020, skrivar Samferðslumálaráðið.