Hakin settur í

Í dag klokkan 16 verður hakin settur í til berghol til Dals húsavíkarmegin. Tað verður Heðin Mortensen, landsstýrismaður, ið fer at loysa fyrsta flagið.

Bergholið verður 2.200 metrar langt og átta metrar breitt. Afturat bergholinum skulu 200 metrar av vegi gerast húsavíkarmegin og 100 metrar av vegi dalsmegin. Tríggir kilometrar av verandi vegi skulu breiðkast.

Arbeiðið fer at taka umleið fýra ár, treytað av at nøktandi játtan verður latin, skrivar Landsverk. Bergholið til Dals við tilhoyrandi vegum verður mett at kosta millum 75-85 milliónir krónur.