Val útskrivað í Eysturríki

Val er útskrivað í Eysturríki, og hetta kemst av, at varakanslarin í stjórnini hevur lagt frá sær. Hetta gjørdi hann, tí hann varð avdúkaður fyri mutur. 

Strache kom í politiskt ódnarveður, eftir at týsku bløðini, Der Spiegel og Suddeutsche Zeitung, í gjár almannakunngjørdu videoupptøkur, har Strache eftir øllum at døma bjóðar einum russiskum ríkmanni almennar sáttmálar aftur fyri politiskan stuðul.

Sebastian Kurz, kanslari í Eysturríki, segði tískil, at tað er umráðandi at fáa greið boð frá veljarum, um hvør skal leiða landið víðari.