Skuldsettur fyri dráp

21. november í 2012 varð 16 ára gamla Maria Fuglø Christiansen funnin deyð við byrgingina millum Norðdepil og Hvannasund.

Hóast málið er gamalt, so var ungi maðurin handtikin klokkan 11:19 fyrrapartin í gjár, og hann var koyrdur í grundlógaravhoyring klokkan 9:15 fyrrapartin í dag.

 >> SÍ EISINI Handtikin í máli um "illgrunasamt deyðsfall"

Ákæruvaldið vil hava mannin dømdan fyri at hava dripið ta tá 16 ára gomlu gentuna, Mariu Fuglø Christiansen.

Sambært skuldsetingini skal maðurin hava druknað hana, ikki eftir klokkan 02:42, náttina til 21. november í 2012.

Grundlógaravhoyringin fer fram fyri afturlatnum hurðum. Nú skal Føroya Rættur gera av, um ella hvussu leingi maðurin skal varðhaldsfongslast, meðan málið verður kannað.