Kvinna tekur við eftir kvinnu í Hvannasundi

25.06.2019 - 11:40
AktueltPolitikkur
Kvinna tekur við eftir kvinnu í Hvannasundi
Borgarstjórin í Hvannasunds kommunu fer í nýtt starv, og tí verður borgarastjóraskifti í Hvannasundi
Hvannasunds kommuna fær nýggjan borgarstjóra 1. august
 

Tann 1. august tekur Ingrid Petersen við starvinum, eftir at Irdi Jacobsen hevur biðið bygdaráðið um at verða loyst úr starvinum.

Hon verður tó sitandi í bygdaráðnum. Irdi Jacobsen er í farloyvi úr starvi sínum sum lærari í Miðnámi á Kambsdali.

Tí síðani 1. januar í fjør hevur borgarstjórastarvið í Hvannasundi verið eitt starv burturav. Nú hevur Irdi Jacobsen fingið annað starv, sum hon tekur fram um borgarstjórastarvið.

Irdi Jacobsen verður fíggjarleiðari hjá Faroe Origin. Hon hevur eisini boðað Miðflokkinum frá, at hon ikki stillar upp til løgtingsvalið kortini.

Nýggi borgarstjórin

Ingrid Petersen er 46 ára gomul, og hon býr í Norðdepli. Hon er útbúgvin sjúkrarøktarfrøðingur og hevur master í útbúgving og læring.

Ingrid Petersen var nummar fýra á B-listanum í Hvannasunds kommunu á kommunuvalinum í 2016. Hon fekk 18 atkvøður.

Irdi Jacobsen var eisini á lista B. Hon fekk nógv flestar atkvøður á kommunuvalinum í 2016, 67 atkvøður. Ingrid Petersen verður borgarstjóri tað, sum eftir er av valskeiðinum. Tað endar á nýggjárinum næsta ár.

 
Nýggjastu sendingar í ÚV
Sunnudag 20. oktober
Credo: Rennandi presturin
100037
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745