Føroyskir svimjarar eru í 10 av 11 finalum

Eftir innleiðandi svimjikappingarnar fyrrapartin er greitt, at Føroyar eru við í øllum finalunum í kvøld uttan einari

Aftur í dag eru góðar vónir um fleiri gullmerki í svimjing á Oyggjaleikunum.

10.07.2019 - 11:11

Tað er aftur lagt upp til eitt spennandi svimjikvøld í Gibraltar, nú Føroyar hava svomið seg í 10 av 11 finalum í kvøld.

Higartil hava føroysku svimjararnir vunnið tilsamans átta gull, tvey silvur og fimm bronsuheiðursmerki, og liggja tey eisini á odda í innanhýsis kappingini millum oyggjarnar at vinna svimjikappingina á leikunum. Isle of Man er tó beint í hølunum við sjey gull, tveimum silvur og fýra bronsum.

Føroyar hava svomið seg í hesar finalurnar, sum verða stroymdar beinleiðis her á kvf.fo frá klokkan 17.00 í dag:

100 metrar blandað menn	Alvi Hjelm og Róland Toftum
400 metrar frí kvinnur	Vár E. Eidesgaard og Eyðrið Mortensen
200 metrar rygg menn	Alvi Hjelm og Óli Mortensen
100 metrar frí menn	Rókur Trygvason
50 metrar frí kvinnur	Vár E. Eidesgaard og Barbara Debes
50 metrar firvald menn	Róland Toftum
200 metrar rygg kvinnur	Signhild Joensen og Eyðrið Mortensen
800 metrar frí menn	Óli Mortensen og Johan Nónskarð Dam
4 ferðir 100 metrar frí kvinnur	Føroyar
4 ferðir 100 metrar blandað menn	Føroyar