Leiga fyri 68.000 um mánaðin hóast høli eru tøk

Ráðið skuldi eftir ætlan flyta inn í sethúsini í Tinganesi í novembur 2018, men hetta er útsett til um árskiftið. Nú er avgjørt, at eingin flyting verður í hesum valskeiðinum.

Sethúsini í Tinganesi, sum Fiskimálaráðið skuldi flyta inn í, eru annars klár og standa sum nú er og bíða.

Eingin viðmerking frá landsstýrismanninum

Rógvi Reinert, aðalstjóri í Fiskimálaráðnum, sigur, at Høgni Hoydal, landsstýrismaður í Fiskimálaráðnum, hevur tikið avgerðina um fyribils at avlýsa flytingina.

Hetta hevur hann gjørt í samráð við aðalstjóran og starvsfólkini í ráðnum. Rógvi Reinert sigur eisini, at leigan hjá fiskimálaráðnum er umleið 68.000 krónur um mánáðin, meira enn 800.000 krónur um árið.

Kringvarpið ætlaði at gera spyrja landsstýrismannin, Høgna Hoydal, hví Fiskimálaráðið leigar fyri 68.000 krónur um mánaðin Yviri við Strond, tá høli eru klár á Tinganesi, men landsstýrismaðurin var upptikin fyrrpartin í dag.