Fýra deyð í skottilburði í New York

Løgreglan fann fýra fólk deyð á staðnum, meðan ein kvinna og tveir menn høvdu fingið skaða. Tey eru tó ikki í lívsvanda.

CNN skrivar, at skottilburðurin hendi uttanfyri eina ólógliga spælimiðstøð. 

Sambært New York Post eru tvey fólk tikin við á løgreglustøðina til avhoyringar. 

CNN sigur, at eingin er handtikin enn, men løgreglan hevur funnið tveir 9mm revolvarar á staðnum. Inni á ólógligu spælimiðstøðini fann løgreglan eisini terningar og spælikort.

Tað er enn ógreitt, hvat er hent, skrivar AP.