Varðhaldsfongslaður í fýra vikur

Ein útlendingur, sum kom við flogfari til Føroya sunnudagin, er fyribils varðhaldsfongslaður í fýra vikur.

Maðurin kom til Føroya við flogfari úr Danmark sunnudagin, og hann ætlaði sær víðari við flogfarinum til Edinburgh í gjár.

Handtikin á flogvøllinum

Tá maðurin var á veg umborð á flogfarið til Skotlands í gjár, varð hann handtikin í passeftirlitinum á Flogvøllinum í Vágum.

Maðurin, sum er ættaður úr Iran, hevur í nøkur ár búð ymsastaðni í Evropa, áðrenn hann kom higar um vikuskiftið, sigur vaktleiðarin á Politistøðini í Havn.

Dómarin í Føroya rætti avgjørdi til grundlógaravhoyringina, at maðurin skal varðhaldsfongslast til 10. desember.