Vil heldur vera heima hjá børnunum

Hjúnini Victoria og Karstin Neshamar í Klaksvík hava tikið eina avgerð, sum fleiri ungar barnafamiljur gera. 

Victoria verður heima hjá barninum tey fyrstu mongu árini, søgdu tey í samrøðu við Sosialin herfyri. 

Sonurin Trygvi er 18 mánaðir, og skjótt skal Victoria aftur í barnsburðarfarloyvi.

Men nú  fær hon ongar barsilspengar, tí nú hevur hon verið ov leingi burtur frá arbeiðsmarknaðinum. 

Í Degi og Viku í kvøld greiðir Victoria frá sínari støðutakan, og hvørjar avleiðingar tað kann fáa fyri hana og familjuna.

Hildur Patursson, serfrøðingur a dagstovnaøkinum, kemur í sjónvarpsstovuna, har hon  millum annað fer at greiða frá nýggjastu granskingini á økinum.