Jóhan á Plógv Hansen skeyt trý mál móti Fraklandi

Jóhan á Plógv Hansen skeyt trý mál móti Fraklandi
Enn er ógreitt, um føroyingurin á høgra veingi verður á danska landsliðnum til EM-undanspælið
 
06.01.2020 - 09:37

Jóhan á Plógv Hansen spældi allan fyrra hálvleik í Golden League-dystinum móti Fraklandi í gjárkvøldið. Dysturin endaði við, at danir vunnu 31-30. Støðan í hálvleikinum var 17-14 til Danmark.

Føroyingurin á høgra veingi skoraði fyrsta málið í dystinum, og skeyt tilsamans trý mál. 

Dysturin móti Fraklandi í gjárkvøldið var síðsti dysturin hjá liðnum fyri EM-endaspælið, sum byrjar hósdagin.

Danmark og Ísland spæla leygardagin klokkan eitt korter til seks. 

Trupult at velja

Enn er ógreitt, um Jóhan á Plógv Hansen verður á danska landsliðnum til sjálvt EM-endaspælið. 

Nú skal danski landsliðsvenjarin velja teir 18 spælararnar, sum skulu við til EM-endaspælið.

Danski venjarin ásannar, at uppgávan er vorðin uppaftur truplari eftir góða avrikið hjá fleiri av eykaspælarunum móti Fraklandi. 

- Hesir báðir dystirnir hava so avgjørt ikki gjørt mína uppgávu lættari. Eg haldi, at allir hava uppiborið at sleppa við, men soleiðis er tað tíverri ikki, segði Nicolaj Jacobsen, landsliðsvenjari, við TV2 Sport eftir dystin móti Fraklandi. 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584