- Tíðindi, mentan og ítróttur
Jóhan á Plógv Hansen skeyt trý mál móti Fraklandi
![](https://kvf.fo/sites/default/files/styles/grein-ovasta-mynd/public/johan.png?itok=-MPE7SrH)
Jóhan á Plógv Hansen spældi allan fyrra hálvleik í Golden League-dystinum móti Fraklandi í gjárkvøldið. Dysturin endaði við, at danir vunnu 31-30. Støðan í hálvleikinum var 17-14 til Danmark.
Føroyingurin á høgra veingi skoraði fyrsta málið í dystinum, og skeyt tilsamans trý mál.
Dysturin móti Fraklandi í gjárkvøldið var síðsti dysturin hjá liðnum fyri EM-endaspælið, sum byrjar hósdagin.
Danmark og Ísland spæla leygardagin klokkan eitt korter til seks.
Trupult at velja
Enn er ógreitt, um Jóhan á Plógv Hansen verður á danska landsliðnum til sjálvt EM-endaspælið.
Nú skal danski landsliðsvenjarin velja teir 18 spælararnar, sum skulu við til EM-endaspælið.
Danski venjarin ásannar, at uppgávan er vorðin uppaftur truplari eftir góða avrikið hjá fleiri av eykaspælarunum móti Fraklandi.
- Hesir báðir dystirnir hava so avgjørt ikki gjørt mína uppgávu lættari. Eg haldi, at allir hava uppiborið at sleppa við, men soleiðis er tað tíverri ikki, segði Nicolaj Jacobsen, landsliðsvenjari, við TV2 Sport eftir dystin móti Fraklandi.