Skot í Miðvági - varðhaldsfongslingin longd

08.01.2020 - 11:33
Aktuelt112
Skot í Miðvági - varðhaldsfongslingin longd
36 ára gamli skuldsetti maðurin hevur verið í býarrættinum í Keypmannahavn, sum longdi fongslingina 27 dagar aftrat
 

Maðurin, sum politiið skeyt í Miðvági 9.desember í fjør, tí hann skeyt ein politist í høvdið við høglbyrsu, er varðhaldsfongslaður í 27 dagar aftrat.

Maðurin, sum er 36 ára gamal, er skuldsettur fyri drápsroynd og serliga grovan harðskap móti tænastumanni, sum var til arbeiðis.

Varðhaldsfongslingin varð longd í býarrættinum í Keypmannahavn, tí skuldsetti maðurin hevur verið á Ríkissjúkrahúsinum.

Hann varð varðhalsfongslaður í fýra vikur í grundlógaravhoyring í Føroya rætti tann 10.desember.

Raktur í bringuna og lærið

Trý skot raktu mannin, tá politiið skeyt eftir honum, og sambært Ekstra blaðnum varð hann raktur tvær ferðir í bringuna og eina ferð í vinstra lær.

Politisturin, sum varð raktur, var í hjálmi. Hann fekk ikki nevniverdan skaða.

Skuldsetti maðurin noktar seg sekan, segði verji hansara í býarrættinum í Keypmannahavn í gjár. 

Hann segði eisini, at maðurin vil ikki svara spurningum, tí hann sigur seg einki minnast um hendingina í Miðvági 9.desember.

Maðurin er tó ikki i fongsli ella í varðhaldi, men á psykiatriskari deild.   

 
Nýggjastu sendingar í ÚV
Hósdag 27. februar
Nón 27. februar 2020
105374
Hósdag 27. februar
Mono: Beach Boys (4:5)
105370
Hósdag 27. februar
LEITISSTEIN 24.02.2020 (1t)
105366
Hósdag 27. februar
Dagsins yrking - Millum aldurnar
104578
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169