Bakkafrost keypir nú seinastu partabrøvini

Bakkafrost fór í gjár undir at keypa partabrøvini, sum eru eftir í The Scottish Salmon Company PLC. Bakkafrost eigur longu øll partabrøvini uttan 4,5 prosent, sum Bakkafrost nú keypir.

Tey, sum eiga hesi partabrøv, fáa 28,25 norskar krónur fyri partabrævið. 28,25 norskar krónur eru 21,31 danskar krónur.

Hetta fer at kosta Bakkafrosti 240 milliónir norskar krónur, góðar 180 milliónir danskar krónur. Hendan tilgongdin, sum byrjaði í gjár, varar til síðst í februar. Tá eigur Bakkafrost The Scottish Salmon Company PLC 100 prosent.