Gunnar bjóðar Súna av

Nú er greitt, at stríðsval verður um formanssessin í Starsvmannafelagnum á aðalfundinum 7.mars.

Tí tvey valevni eru.
 
Súni Selfoss, sum er formaður nú, stillar upp, og Gunnar Hjelm, varaleiðari á ambulansatænastuni hjá Landssjúkrahúsinum, stillar eisini upp.

Gunnar Hjelm er 55 ár og býr í Havn. Hann hevur verið álitismaður og felags álitismaður í Danmark.

Nevndarlimur síðani 2000

Súni Selfoss er eisini 55 ár og býr í Sørvagi. 

Hann hevur verið í nevndini í Starvsmannafelagnum síðani 2000, tey seinastu fýra árini sum formaður. Súni Selfoss hevur starvast sum útvapsteknikari og savnsvørður í Kringvarpi Føroya.

Tveir nevndarlimir skulu eisini veljast á aðalfundinum 7.mars.

Freistin at bjóða seg fram sum nevndarlimur er til 1.februar.

Tveir tiltakslimir skulu harafturat veljast. Tann uppstillingin verður á aðalfundinum.

Fýra ár

Formaðurin verður valdur fyri fýra ár. Nevndarlimirnir verða valdir fyri trý ár og tiltakslimirnir fyri eitt ár. 

Í Starvsmannafelagnum eru 2.000 limir.