- Tíðindi, mentan og ítróttur
Heykur og Falkur fáa helst bót
Heykur og Falkur fáa helst bót
Partrolararnir Heykur og Falkur fara helst seinni í dag at fáa eitt sektaruppskot frá Vørn.
19.01.2020 - 09:54
Tað var í gjár um 14 tíðina, at vaktar- og bjargingarskipið Tjaldrið kom á Havnina við báðum partrolarunum. Orsøkin er, at illgruni er um, at bæði skipini hava fiskað ólógliga á stongdari leið norðanfyri Fugloynna.
Vørn og løgreglan høvdu fólk umborð á skipinum í gjár, har meting varð gjørd av veiðuni og útgerðini. Umframt, at Heykur og Falkur kunnu væntað sær eina bót, verður eisini ein partur av virðinum av veiðuni tikin inn, sigur Vørn.
Fáa Heykur og Falkur eina bót, skulu teir rinda hana ella stilla garanti fyri bótarupphæddini, áðrenn teir sleppa at loysa frá kei aftur.
Nýggjastu sendingar í ÚV
Nýggjastu sendingar í SV