Bjóða langhylin í Havn út í summar

Fyrireikingarnar í sambandi við langhylin í Gundadali eru nú komnar so langt, at verkætlanin verður væntandi boðin út í juni. 

Býráðið skal taka støðu til tilboðini í september.

Ætlanin er so at seta spakan í í heyst.

Ráðgevarasáttmáli varð undirskrivaður beint fyri jól í 2018.

Ráðgevi og arkitektur eru Selmar Nielsen Arkitektar. 

Byggiskrá samtykt í 2015

23.apríl í 2015 samtykti Tórshavnar býráð at fara undir at gera byggiskrá fyri langhyl við verandi svimjihøll, sum varð liðug í 1982. 

16.juni í 2016 samtykti eitt einmælt býráð at taka undir við byggiskránni, sum bygginevndin gjørdi. 

Selmar Nielsen Arkitektar vunnu hugskotskappingina um hylin. 

Langhylurin í Havn verður 25 metrar breiður og 50 metrar langur.

Í mai 2016 varð arbeiðið mett at kosta 80 mió. kr.