- Tíðindi, mentan og ítróttur
Útlendingar skulu gjalda fyri vígsluna
Útlendingar skulu gjalda fyri vígsluna
Tað fer nú at kosta hjá útlendskum fólkum at verða gift hjá Tórshavnar kommunu
Mynd: Bjarni Árting Rubeksen
27.02.2020 - 08:26
Býráðið skal í kvøld taka støðu til eitt tilmæli hjá fyrisitingarstjóranum og leiðaranum á Snarskivuni um, at Tórshavnar kommuna heitir á Almannnaráðið um at fáa heimild til at taka eitt hóskandi gjald frá útlendskum fólkum, sum søkja um at verða vígd í Tórshavnar kommunu.
Í fjør vóru 60 vígslur hjá Tórshavnar kommunu. Í 23 førum var talan um útlendingar, tað eru fólk, sum ikki búgva her, men bara koma til Føroya fyri at verða vígd.
Í Danmark kostar ein vígsla 1.650 krónur Tað er ásett í kunngerð. Føroyskar kommunur hava ikki nakra heimild at taka pengar fyri vígslur.
Nýggjastu sendingar í ÚV
Nýggjastu sendingar í SV