Uppskotini um pant eru góðkend

Landsstýrið og IRF raktu væl, tá tey gjørdu uppskot um kunngerð og reglugerð um pantskipan.

Í øllum førum hevur Handilsvinnufelagið ongar viðmerkingar um uppskotini. 

Handilsvinnufelagið fegnast bara um, at skipanin nú gerst veruleiki hóast ávísar seinkingar hava verið. 

Uppskot er gjørt um kunngerð um pant.

Kunngerðin ásetur reglur um, hvørji íløt og hvørjar drykkjuvørur, skipanin er um.

Og sambært grein 1 er kunngerðin um íløt úr metali, plasti og glasi, sum taka 15 sentilitrar upp í tríggjar litrar til drykkjuvørur, tó ikki mjólk.

IRF skal umsita skipanina.

Uppskot er eisini gjørt um samanskrivaða lóg.

IRF hevur gjørt uppskot um reglugerð.

Lógin, kunngerðin og reglugerðin skulu koma í gildi 1. september.

Pantumsitarin, IRF, hevur sambært lógini heimild at áseta reglugerð um, hvussu íløt skulu handfarast og avroknast.

Landsstýrisfólkið skal góðkenna ta reglugerðina.