- Eldurin byrjaði helst av einum óhappi

Tað skrivar Drammens Tidende, sum hevur upplýsingarnar frá politiinum.

Eingin er undir illgruna ella ákærdur fyri nakað ólógligt.

Størsti eldur í hundrað ár

Stóreldurin í Krokstadelva í Drammen í Norra hevur gjørt, at 400 fólk eru flutt burtur. Fleiri enn hundrað hús ella íbúðir eru brend. Hetta er helst størsti eldur í Norra í meir enn eina øld.

Boðað var frá eldi fríggjadagin klokkan hálgun fýra í einum raðhúsi. Síðani breiddi eldurin seg til fleiri raðhús og onnur hús í økinum.

Boðað er ikki frá, at nakar er saknaður.

Tvey fólk eru farin á sjúkrahús við roykskaða. 

Tað er komið fram at millum annað sløkkiliðsleiðarin í økinum hevur mist síni hús, tí tey eru brunnin í grund.

Á gistingarhúsum

Hóast eldurin nú er mest sum sløktur, er ikki heilt tamarhald á eldinum. Sløkkiliðini spula enn, og seks tyrlur eru í økinum og stoyta vatn útyvir. 

Politiið hevur byrt økið av, og fólk sleppa ikki til síni egnu heim. Tey hava gist á gistingarhúsum.